اللي تبغى تقهر أخوها تدخل....
°ˆ~*¤®§(*§*)§®¤*~ˆ°بسم الله الرحمن الرحيم°ˆ~*¤®§(*§*)§®¤*~ˆ°
عندي دروس خطيرة لكم لاتفوتكم يابنات , إللي مقهورة وإللي تبي تنتقم وإللي تبي ترفع ضغط اخوها تتبع هالخطوات والله يقويكم ....
*** عند التلفزيون ***
لاصارت في مباراه والأخ متحمس اقطعي هالحماس وشلون ؟!
شوفي إذا صار مبقق عيونوا وماهو يم احد يعني لو تجيبيين صاروخ تفجرينه عنده مالتفت لك اعرفي انه منسجم ..
هنا قومي بشغلكـ..
روحي جيبي قطعه قماش وبخاخ للتنظيف واوقفي عند التلفزيون وامسحي الشاشه ولا تعطينه فرصة يشوف زين ,
لاقال : ابعدي . قولي مانيب فاضيتلك بنظف وامسح وبعدين روحي جيبي المكنسه واكنسي المكان إللي هو فيه وحاولي من لحظة للحظة تكنسين قدام التلفزيون وغطي عليه .. ولا يهمك احد ..
وإذا قالك : ابعدي لا اصكك على وجهك بالكاس قولي له لا بيجون ضيوف .. العبي عليه حتى لو مو جايكم احد , ولا سوي نفسك جالسه وتذكرتي إن الكيك بالفرن احترق انقزي لين توصلين للفيش وافصلية برجولك ولا تلتفتين وراك ..
*** عند النوم ***
لاصار التمساح يشخر .. نكدي عليه نومه كيف ؟! دخلي عليه البزورة على بزورة جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله ؟؟
ولا تعالي وهو في سابع نومه وارجفيه ذيك الرجفه إللي ينقز مايدري عن نفسه ولا وهو جالس وبكل بروده قوليله نبي نطلع ..
*** إذا المزاج صفر ***
إذا شفتيه ماله خلق ومو رايق ومقفله معه لاتخافين بالعكس هذي فرصتك تنتقمين منه
بس انتبهي في هاللحظة راقبي حركات يده لأن ممكن يصك أي شيء قدامه بوجهك ولازم تصيرين مجهزة مفاتح الغرفة .. ماتدرين السالفه ياغالب يامغلوب .. المهم اضحكي على شكله او على جلسته ولا على لبسه وهو بيقول ترى مانيب رايق لك انقلعي عني انتي لاتسكتين قوليله وإذا ماانقلعت وش بيصير ؟؟ عاد هو بيقوم ويوريك وش بيصير على سنع انتي في هالوقت اقضبي أول درجتين توصلك لغرفتك وطلي عليه من فوق وقليله ههههههههههههههههاااااااي اهم شيء رفعت ضغطك وقومتك من جلستك
عادي .. عادي ولاصرتي بزر وش فيها أهم شيء تحقيق الغايه إللي هي (( تفجير الأمبير (( وأهم شي بعد الأخلاق لاهنتي سحليتي
*** وقت الطقاق ***
لاداء يوم وبراسك حرش تطاققين انتي والتمساح لازم تجهزين نفسك من كل ناحيه :
/1 – اللبس: لازم تلبسين ترنق علشان يسهل الركض عليك
/2- الشوشه : لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك , وياليت يكون ذاك اليوم حاطه براسك حناء علشان مايتجرأ ويلمس شوشتك
/3- مفتاح الغرفة : ولميه الاحتياط واجب إذا بدت المعركة حطي راسك براسه ولا تبينين انك خايفه وبققي عيونك فيه وقوليله وش راسك .. عاد هو هنا بيقولك هذا إللي براسي طراااااااااااح الا ومخمس مصفي طبلونه , لاتستسلمين عطيه بوكككككككككككس على عيونه الثنتين علشان مايشوف الدرب وحطي رجلك وعلى طوووووووول لغرفتك إللي مجهزة مفتاحها من قبل واقفلي عليك ويادار مادخلك شر بس نصيحة اقعدي يومين لايشوفك ولا تشوفينه لأنه يبي ينتقم لكرامته وبيوريك النجوم في القايله
بس خلاص هذي كل الدروس
يـــــــKING OFتحــــياتــــ LOVE تقبــــلو
الأحد أغسطس 31, 2008 5:50 am
